Ижъыкlэ къыщэгъэжьагъэу адыгэхэм мы1эрысэр, къужъыр, къыпц1эр, дэшхор, цумпэ зэфэшъхьафхэр къагъэкlыщтгъэ. 

Мы аужрэ илъэсхэм чъыгхатэхэм Республикэм зыкъщягъэlэтыжьыгъэным, зыфагъэзэжьыным, мэкъумэщ - хъызмэтым зэхъокlыныгъэхэр фэхъуным, пхъэшъхьэ-мышъхьэхэр, хэтэрыкlхэр нахьыбэу къызэрэщагъэкlыщтым пылъых. Ащ фэгъэхьыгъэ программэ зэфэшъхьафхэм lоф ашlэ, хъызмэтшlапlэхэм, унэе предпринимательхэм lэпыlэгъу афэхъух.

Ащ фэдэ программэу щыlэхэм яшlуагъэкlэ Шэуджэн районым чъыгхатэхэм адэлажьэрэр нахьыбэ мэхъу.

Ахэм ащыщ къ. Хьакурынэхьаблэ щыщэу унэе предпринимателэу Сапый Рэмэзан, ащ гектар 12-м къыпцlэ лъэпкъ "Стенлейрэ", мыlэрысэ лъэпкъ "Голд-Дюшесрэ", "Либерти" зыфиlохэрэмрэ тыригъэтlысхьагъ. Зэкlэмкlи чъыг лъэкъо мин 11-рэ ныкъорэ мэхъу.

Рэзан къызэриlуагъэмкlэ чъыгхатэр зытыришlыхьэгъэ чlыгур яугагъокlэ къатефэжьыгъэ гектархэр ары. "Цlыраулъэу щымытэу, пхъэшъхьэ-мышъхьэ чъыгхэр тешlыхьагъэмэ дэгъуба. Тэркlи напэ, чылэмкlи теплъэ дахэ иlэщт", еlо Рэмэзан.

Улажьэмэ lахьынчъэ ухъущтэп - хьаулыеу аlорэп.

Мы lофэу Рэмэзан зыпэуцуагъэр псынкlэ фэхъунэу, иlофшlэн нахь зыригъэушъомбгъунэу, гухэлъэу иlэхэр пстэури къыдэхъунэу, псэуныгъэ пытэрэ, гъот инрэ иlэнэу тыфэлъаlо!