Музееу "Адыгеим и Советхэм я 1-рэ зэфэс и Ун" зыфиIорэм непэ адыгабзэм ыкIи тхыбзэм ямафэ фэгъэхьыгъэу зэIукIэ  щырекIокIыгъ.

Зэнэкъокъум чанэу хэлэжьагъэх Хьакурынэхьаблэ ыкIи Мамхыгъэ гурыт еджапIэхэм ияплIэнэрэ классхэм ащеджэрэ кIэлэеджакIохэр. 

ЗэIукIэр  гъэшIэгъонэу, чэфэу рагъэкIокIыгъ. КIэлэеджакIохэм IупкIэу, езбырэу адыгэ тхакIохэм атхыгъэ усэхэм къяджагъэх, лъэпкъ къашъохэр къашIыгъэх. 

Хьыкум купым зэфэхьысыжьэу ышIыгъэм тетэу музеим ипащэу ЛIышэ Фатимэ кIэлэцIыкIyхэм щытхъу тхылъхэр аритыгъэх.

Апэрэ чIыпIэр афагъэшъошагъэх Бэрэчэт Мыхьамэтрэ (Мамхыгъэ гурыт еджапI), ТIутIарыщ Рузанэрэ (Хьакурынэхьаблэ гурыт еджапI).

ЯтIонэрэ чlыпlэр Хьапэкlэ Светланэрэ (Мамхыгъэ гурыт еджапI), Байкъулэ Дамиррэ (Хьакурынэхьаблэ гурыт еджапI) аратыгъэх. 

Ящэнэрэ чlыпlэр Зэфэс Заринэрэ (Мамхыгъэ гурыт еджапI), КIубэ Бэлэрэ (Хьакурынэхьаблэ гурыт еджапI) афагъэшъошагъ. 

Зэкlэ кlэлэцlыкlоу хэлэжьагъэхэми тхьашъуегъэпсэу араlуагъ, щытхъу тхылъхэр аратыгъэх.