Хьатыгъужъыкъое гурыт еджапlэу 6-м зэфэхьысыжь зэlукlэу "Адыгагъэр - лъэпкъым ылъапс" зыфиlорэр щырекlокlыгъ.

Гурыт еджапlэм щылэжьэрэ кружокхэм илъэс реным lоф зыдашlагъэр мы зэlукlэм къыщагъэлъэгъуагъ.

Зэхахьэм къырагъэблэгъагъ къ. Хьатыгъужъыкъуае щыщэу, мы еджапlэм илъэс тlокlым ехъу щылэжьагъэу Кобэщыч Любэ. Ар къ. Мыекъуапэ дэс, Адыгэ Къэралыгъо университетым педагогикэмрэ психологиемрэ якафедрэ и профессэр.

Илъэс къэс Любэрэ, икlалэу Анзорырэ, ипшъашъэу Иринэрэ ячылэ гупсэ lэпыlэгъушхо къафэхъух. Сыд фэдэрэ lоф еджапlэм щырагъэжьагъэми яшlуагъэ арагъэкlы.
Мы илъэсми ежь ямылъкук1э еджапlэм щылэжьэрэ къэшъокlо купэу "Лезгинкэм" хэт сабыйхэм адыгэ шъуашэхэр афарагъэдыгъ.

Хьатыгъужъыкъое гурыт еджапlэм кружокитф щэлажьэ. Ар" Хабзэмрэ бзыпхъэмрэ", "Усэрэжъ ипшысалъ"- сабыйхэм ар языгъэхьырэр Хьакlэмыз Фатим. Орэд къэlоным фэзыгъасэхэрэр Хьамхъокъо Разиет. Адыгэ къашъохэр сабыйхэм языгъашlэрэр Хьабий Зулим. Дышъэидэныр, дэн-бзэныр языгъэхьырэр Бэгъ Эмм. lэпэlэсэныгъэр ахэзылъхьэрэр, пхъэм-шъом хэшlыкlыгъэ пкъыгъохэр языгъэшlырэр Хьасэнэкъо Хьамед.

Мы зэlукlэм илъэс кlоцlым кружокхэм lофэу ашlагъэр щызэфахьысыжьыгъ. Сабыйхэр къэшъуагъэх, орэд къаlуагъ, тилъэпкъ ишэн-хэбзэ дахэхэр къизыlотыкlрэ сценкэхэр къагъэхьазырыгъэх.