Гъэтхапэм и 14-м Адыгэ Республикэм икъэралыгъо филармоние Адыгабзэм имафэ фэгъэхьыгъэ зэхащэр щырекIокIыгъ.
Илъэс къэс, гъэтхапэм и 14-м тыдэкIи щыIэ адыгэ лъэпкъ пстэуми адыгабзэм имафэ щыхагъэунэфыкIы. Непэрэ мафэм ар Iофыгъошхоу зигъо дэдэмэ ащыщ.
Сыда пIомэ, адыгабзэмрэ адыгэ культурэмрэ якъэухъумэн Iофыгъошхоу тапэ илъымэ ащыщ.
Непэрэ зэIукIэм хэлэжьагъэмэ ащыщ къуаджэу Пщыжъыхьаблэ и я 11-рэ еджапIэ икIэлэеджакIоу Хьакурынэ Самирэ. Нэхэе Руслъан иусэмэ ащыщ адыгабзэкIэ Самирэ къеджагъ. КъекIолIагъэмэ Самирэ артист Iазэныгъэшхо зэрэхэлъыр хагъэунэфыкIыгъ ыкIи театральнэ кIэлэцIыкIу студиеу “Щыгъыжъыем”, Уджыхъу Марет зипащэм, хэлэжьэнэу къырагъэблэгъагъ!
