"Илъэс 19 хъугъэ адыгабзэмрэ адыгэ тхыбзэмрэ я Мафэ Адыгэ Республикэм зыщыхагъэунэфыкIырэр.
2000-рэ илъэсым АР-м ипрезидентэу Джарымэ Аслъан иунашъо тетэу апэрэ адыгэ хьарыфылъэр Бэрсэй Умарэ 1853-рэ илъэсым гъэтхапэм и 14-м литографическэ шIыкIэм тетэу апэрэ адыгэ хьарыфылъэр къыдегъэкIы"- Мы гущыIэхэмкIэ къызэIуахыгъ Мамхыгъэ гурыт еджапIэм адыгабзэм и Мафэ фэгъэхьыгъэ зэIукIэу щырагъэкIокIыгъэр.
Iофтхьабзэр зыгъэхьазырыгъэр еджапIэм щылажьэу, адыгабзэмрэ литературэмрэ якIэлэегъаджэу Къуижъ Замир. Ащ IэпыIэгъу къыфэхъугъэх район гупчэ тхылъеджапIэм иIофышIэхэр.
Уадыгэмэ убзэ бгъэлъэпIэн, къэухъумэн зэрэфаер, ныдэлъфыбзэр цIыфым икультурэ, ицIыфыгъэ агопхын умылъэкIынэу, мэхьанэшхо зиIэ амал гъэшIэгъонэу лъэпкъхэм зэраIэкIэлъыр зэIукIэм игъэкIотыгъэу щытегущыIагъэх.
Гурыт еджапIэм щеджэрэ кIэлэеджакIохэм бзэм фэгъэхьыгъэ усэ зэфэшъхьафхэр, орэдхэр къаIуагъ, къашъохэр къашIыгъ.
Район гупчэм ит культурэм иунэ щылажьэу Быщтэкъо Адамрэ, гупчэ тхылъеджапIэм иIофышIэу Шагудж Сулетэрэ къашIыгъэ къашъом зэхахьэр къыгъэкIэрэкIагъ.
Мамхыгъэ гурыт еджапIэм ипащэ игуадзэу Отэщыкъо Светланэ кIэлэеджакIохэм къафэгушIуагъ ыкIи адыгабзэр - гъэсэныгъэм, культурэм яджэныкъо машIоу зэрэщытыр къариIуагъ.
