Бэдзэогъум и 23 къ. Хьатыжъыкъуае щыщхэу Хьапак1э Казбекрэ Сасэрэ унагъо зызэдаш1агъэр илъэс 60 зэрэхъугъэр хагъэунэфык1ыгъ. Ащ фэдэ мэфэ дахэмк1э Казбекрэ Сасэрэ афэгуш1уагъэх Шэуджэн районым ипащэу Аулъэ Рэщыд, Хьытыжъыкъое къоджэ псэуп1эм ипащэу Къэрэбэт Къэплъан, ц1ыфхэм ясоциальнэ фэ1о-фаш1эхэр зыщагъэцак1эрэ зэхэубытагъэ гупчэу Шэуджэн районым итым ипащэ игуадзэу Къуанэ Марет.

Зэшъхьагъусэхэу мыщ фэдэ мэфэк1 дахэ хэзгъэунэфык1хэрэм гущы1а дэхабэ къафыра1ол1агъ, ш1ухьафтынхэр аратыгъ, джыри илъэспчъагъэрэ ягупсэхэм ашъхьагъ итынхэу, районым ис ныбжьык1эхэм ящысэтехып1эу псэунхэу къафэлъэ1уагъэх.