Шэуджэн районым ипащэу Аулъэ Рэщыд кIэлэцIыкIу IыгъыпIэу “Насыпымрэ” Хьакурынэхьаблэ гурыт еджапIэмрэ зэрэщагъашхэхэрэр ыуплъэкIугъ. Ащ пщэрыхьа шъхьаIэхэмрэ медсестрахэмрэ защыIуигъэкIагъ, мафэ къэс сабыймэ ашхырэм игъэкIотыгъэу зыщигъэгъозагъ. Пхъэшъхьэ-мышъхьэр, гъэщхэкI гъомылэхэр къыздыращыхэрэр ыкIи ахэм апылъ сертификатхэр ыуплъэкIугъ. 

КIэухым Аулъэ Рэщыдэ къыхигъэщыгъ, ылъэгъугъэм зэригъэрэзагъэр. ЕджапIэми кIэлэцIыкIу IыгъыпIэми хабзэм диштэрэ шапхъэхэм атетэу шхыныцIэхэр зэрыт тхылъыр мафэ къэс ащызэхагъэуцо.