Адыгэхэм къэшъоным мэхьанэшхо сыдыгъуи ратыщтыгъэ. Цlыкlухэзэрэ къэшъоным фагъасэщтыгъэх. Сыда пlомэ, зык1э-адыгэ къашъохэм тишэн-хэбзэ дахэхэр куоу къыра1отык1ы, адрэмк1э- цlыфым ыпкъ агъэпытэ, абгхэр псыгъоу, ищыгъэу агъэпсыхьэ.
А хабзэр амыукъоу Хьатыгъужъыкъое гурыт еджапlэм к1элэц1ык1у къэшъокlо купэу "Лезгинкэр" щэлажьэ. 
Лезгинкэр еджапlэм зыщзэхащагъэр илъэс тlокl хъугъэ. Ансамблэр ылъэ тезыгъэуцуагъэр ыкlи непэрэ мафэм нэс дэлажьрэр, пэщэныгъэ дэзыхьырэр Хьабий Зулим.

Къэшъокlо купым сабый нэбгрэ тlокlрэ ирэ хэт. Илъэсихым къыщэгъэжьагъэу илъэс пшlыкlуз зыныбжь сабыйхэр мыщ къэкlох. Къэшъон сэнаущыгъэр зэзыгъаш1э зышlоигъохэр ансамблэм къыхэхьэх.

Хьабий Зулимэ ыгуи-ыпси хилъхьэзэрэ кlэлэцlыкlухэм lоф адешlэ, зыдэлэжьэрэ lофыр ыгу етыгъэу егъэцакlэ.

Къашъохэу "Зэфакlу", "Уджыр", "Ислъамыер", "Хьакlулащэр", нэмыкlхэри "Лезгинкэм" гур ыгъэбырсырэу дахэу къешlых.

Ансамблэм хэт сабыйхэр районым щызэхащэрэ lофтхьабзэхэм чанэу ахэлажьэх. Джащ фэдэу Республикэм щырекlокlрэ фестивалхэм яlэпэlэсэныгъэ къыщагъэлъагъо. Анахьэу мэхьанэ зэратрэмэ ащыщ минитlурэ пшlыкlублырэ илъэсым Дунэе фестивалым хэлажьэхи къэшъоным ылъэныкъокlэ апэрэ чlыпlэр къызэрафагъэшъошагъэр.

Къашъор зикlэсэ сабыйхэм тыгу къыддеlэу тафэлъаlо нахь гъэхъэгъэ инхэр джыри ашlызэрэ ыпэкlэ лъыкlотэнхэу . Шlур зылэжьырэ егъэджэкlо lэпэlасэу Хьабий Зулимэ опсэу етэlо!