ШэкIогъум и 29-м, адыгэ культурэм и Мафэ тиреспубликэ щы­хагъэ­унэфыкIыщт.

Адыгэ культурэмкIэ IэшIагъэхэмрэ лъэпкъ Iэпэщысэхэмрэ сыхьатыр 9-м къыще­гъэжьагъэу 11-м ыныкъом нэс мыщ къыщагъэлъэгъощтых.

Адыгэ культурэм и Мафэ мэфэкI шIыкIэм тетэу сыхьатыр 10.30-м Къэралыгъо филармонием къыщызэIуахыщт. Театрализованнэ къэгъэлъэгъони мыщ щыкIощт.

Мэфэк1ым къек1ол1агъэхэм сыхьатыр 1-м къыщегъэжьагъэу 2-м нэс «Нарт эпосымрэ адыгэхэм чъыгхэр зэрагъэлъапIэхэрэмрэ» зыфиIорэ къэгъэлъэгъонэу Адыгэ Рес­публикэм и Лъэпкъ музей къыщызэIуахыщтым нэIуасэ зыфашIыщт.

Сыхьатыр 2-м къыщегъэжьагъэу 3-м нэс адыгэ цыем тарихъэу пылъым зыщагъэгъозэщт (адыгэ шъуашэхэр къагъэлъэгъощтых).

Адыгэ Республикэм и ЛIышъхьэ зыхэлэжьэщт Iэнэ хъураеу лъэпкъ зэгурыIоныгъэр Адыгэ Республикэм щыгъэпытэгъэнымкIэ къэралыгъомрэ лъэныкъо зэфэшъхьафхэм арылажьэрэ ц1ыфхэмрэ мэхьанэу яIэм ехьылIагъэр АР-м и Правительствэ зычIэт унэм щызэхащэщт.